Talak Diya, Yaad Nahin, Biwi Haiz SE Thi Ya Pak, Talak Hogi Ya Nahin? (video)
Yeh masla ahl-e-ilm mein mukhtalif fi hai ke talaq-e-bidat masalan haiz ki halat mein ya tahr mein hambistari (jama) ke baad di gayi talaq waqe hoti hai ya nahi?
Hamare nazdeek Quran-o-Hadith ki roshni mein rajih baat yeh hai ke aisi talaq waqe nahi hoti. Is par dalaail ki tafseel hum ne apni kitab “Ahkam-e-Talaq” mein pesh kar di hai.
Lekin yahan sawal yeh hai ke biwi ko jab talaq di gayi to woh haiz mein thi ya haiz se pak ho gayi thi, naiz talaq se pehle wale tahr mein hambistari hui thi ya nahi? Yeh cheez mian biwi dono mein se kisi ko yaad nahi hai.
To ab chunki mian biwi mein se kisi ko halat yaad hi nahi hai to kaun si halat maan kar hukm lagaya jayega? Is sawal ka jawab aap is video mein payenge. Video dekhne ke liye neeche ke link par jayein.
Talak Diya, Yaad Nahin, Biwi Haiz SE Thi Ya Pak
